Este ano eliximos o conto "O chuvasqueiro de Aurora" para traballar o tema do 25N. Para os minis do noso Club contamos o conto con unha versión máis sinxela sen precisar quen era ese monstro que viña visitar Aurora. Porque á casa de Aurora chega todas as noites un monstro que as atemoriza a ela e á nai. Aurora séntese indefensa e asustada, e nai regálalle un chuvasqueiro máxico para que faga desaparecer o medo que o envolve todo. Abondará con iso? Poderá un chuvasqueiro axudar a protagonista deste conto?
Despois de lelo, pintamos as Auroras en equipo e tamén aproveitamos para unir as mans pintadas de rosa e azul e descubrimos que aparecía a cor violeta. Chegamos a conclusión que só con axuda podemos saír dos problemas. Pero tamén descubrimos que as nosas minis son unhas guerrilleiras que non están dispostas que ningún monstro veña molestas! E os minis non se quedan atrás! Vivan os minis do Club e as súas ganas de xustiza e loita! Aprendendo cada día con eles!
Ningún comentario:
Publicar un comentario